چاپکردن

زیانی جگه‌ره‌ کێشان

زۆر جگه‌ره کێشان ‌ و‌ بۆما‌وه‌یه‌کی دوور و درێژ ده‌بێته‌ هۆی زۆر ‌گرفتی ته‌ندروستی  له‌ وانه‌:

• نه‌خۆشی سیه‌کان وه‌ک ڕه‌بوو، ته‌نگه‌نه‌فه‌سی،هه‌وکردنی سیه‌کان.

• گرژ بونی زۆر له‌ خوێن به‌ره‌کانی دڵ که‌ ده‌بێته‌ هۆی (سه‌کته‌ی دڵ).

• گرژ بونی بۆڕی خوێن له‌ پێیه‌کان که‌ ده‌بێته‌ هۆی ئاوسانی.

• راوه‌ستانی مێشک، بورانه‌وه‌ یاخود خوێن رێژی مێشک (جه‌ڵته‌ی مێشک).

• ده‌بێته‌ هۆی به‌ لایه‌نی که‌م 20 جۆر نه‌خۆشی شێرپه‌نجه‌ بۆ نمۆنه‌ له‌ سیه‌کان، میزڵدان، بۆڕی خواردن، رژێنی په‌نکریاس هه‌روه‌ها ڕیخۆڵه‌کان.

• تا ڕاده‌یه‌ک کاریگه‌ری هه‌یه‌ له‌ نه‌زۆکی، یاخودبونی منداڵی سه‌قه‌ت.

• لاواز بونی به‌رگری له‌ نه‌خۆشی.

• گرژ بونی ماسولکه‌کان، رۆماتیزم، ێسکه‌ نه‌رمه‌.

• نه‌خۆشی شه‌کره‌.

• هه‌روه‌ها کاری گه‌ری نێجه‌تیڤی هه‌یه‌ له‌سه‌ر باری ده‌رونی.

• زه‌رد بوون یاخود تێک چوونی ده‌م و ددان.

 

ئه‌گه‌ر واز له‌ جگه‌ره‌کێشان بهێنرێت


• دوای 20 خوله‌ک فشاری خوێن و لێدانی دڵ ده‌گه‌رێته‌وه‌ باری ئاسای خۆی.

• دوای 8 کاتژمێر ئۆکسجین له‌ناو خوێن ده‌گاته‌ ئاستی ئاسای.

• دوای 24 کاتژمێر مه‌ترسی توشبون به‌ نه‌خۆشی دڵ که‌م ده‌بێته‌وه‌، بۆ نموونه‌ دڵ وه‌ستان.

• دوای 48 کاتژمێر ده‌ماری هه‌ست ده‌که‌ویته‌ کاربه‌شیوه‌ی ئاسای ئه‌وه‌ش ده‌بێته‌ هۆی ئه‌وه‌ی هه‌ستی بۆنکردن وتام کردن به‌شێوه‌یه‌کی ئاسای کاربکات.

• دوای 2 هه‌فته تاکو 3 مانگ سووڕانی خوێن له‌له‌ش له‌گه‌ڵ سییه‌کان تاراده‌یه‌ک باش ده‌بێت، ئه‌مه‌ش واده‌کات که‌ زیاتر به‌رگری ڕێگاکردن و رۆیشتن بۆ ماوه‌ی دورودرێژ یاخود وه‌رزش کردن بکرێت،  پیستی له‌ش و ده‌مووچاوو ره‌نگی ئاسای خۆی نیشان ده‌دات.

• دوای 1 تاکو 11 مانگ، لووت گیران و کۆخه‌ و هه‌ناسه‌سواری که‌ له‌ ئاکامی جگه‌ره‌کێشان په‌یدا ببوو به‌ره‌وو نه‌مان ده‌چێت، وزه‌ی له‌ش زیاتر ده‌بێت هه‌ست به‌ماندووبوون که‌مته‌ر ده‌بێت.

• دوای 1 ساڵ تووشبوون به‌ دڵ وه‌ستان به‌ ڕێژه‌ی 50% که‌متر ده‌بێت.

• دوای 5 ساڵ تووش بوون به‌ دل وه‌ستان و مێشک وه‌ستان که‌مه‌ هه‌ وه‌ک لای یه‌کێک که‌ هه‌رگیز جگه‌ره‌ی نه‌کێشابێت.

• دوای 10 ساڵ تووشبوون به‌ شێرپه‌نجه‌ی سییه‌کان به‌ ڕێژه‌ی 67% که‌متر ده‌بێت.


• دوای 15 ساڵ وازلێهێنان له‌ جگه‌ره‌کێشان مه‌ترسی تووشبوون به‌ هه‌موو ئه‌و نه‌خۆشیانه‌ی که‌ له‌ ئاکامی جگه‌ره‌ کێشان په‌یداده‌بێت که‌م ده‌بێت هه‌روه‌ک ئه‌وه‌ی که‌ جگه‌ره‌ی نه‌کێشابێت.


 

باشترین خزمەتگوزاری لە بواری تەندروستی دا